كلمات أغنية نفسي عزيزه
- كلمات
- احمد المسافري
- ألحان
- حسين الجسمي
ما ترتضي نفسي مذله وحقران
أردها عن من سعالي بذلي
نفسي عزيزه سامية فوق يا فلان
وأبعد من نجوم الثريا محلي
لي في زهور الحب واحه وبستان
أرويه أنا بودي ووردي وفلي
يا مرتضي بالهون دورلك أقران
بتكون لك بدر وشمس وظلي
تمشي حسب رايك على كيف ما كان
وتبادلك زيف الغلاا والتسلي
ولا أنا عندي قناعه وإيمان
أمشي بعقلي والعواطف تولي
الله خلقني وهامتي فوق الأمزان
وآخذ من الدنيا تجارب وأخلي
وأصبر على مر الليالي والأحزام
وأرضى بما قدر من الله وحصلي
واللي أشوفه مرخص الود منان
ما أبتلي به وأمسحه من سجلي