كلمات أغنية فركتوزي

شفت ظبي الدار وارد للشريعة
وابتهت وصابني منه حفوزي
وزاد وسط القلب دقات سريعة
من نظرته لي عويده عود موزي
ناعس الطرفين و الفتنه طبيعة
في منصات الحسن دايم يفوزي
أشقر الخدين وعيونه وسيعة
والله رمزه بالهوى وافق رموزي
فركتوزي طبع و اسناعه رفيعة
و حتى دمه لو فحصته فركتوزي
كم روح من سبب حسنه صريعة
و التشدد في المحبه ما يجوزي
إن عرض في السوق ضاع السوق بيعه
و كل عذرا عن دورب له تخوزي
كالملك يامر علينا وحن نطيعه
و كنه امسوي على العالم حروزي
يا أمل روحي ويا قلبي و ربيعه
من يشوفك تم يا عيني امهزوزي
تورد و تصدر مقامك في الطليعة
وين ما وجهت لك ثقل و روزي

معلومات الاغنية
من اشعار معالي الاستاذ الدكتور مانع سعيد العتيبه
رؤية وألحان حسين الجسمي
توزيع زيد عادل
إيقاعات سمير القطان
جيتارات فرشيد ادهمي
مكساج وماستر مجاسم محمد