كلمات أغنية شفتك
- كلمات
- مانع بن سعيد العتيبة
- ألحان
- الحساس
شفتك وشافت عيني النور
طلع الفجر في ناظري لاح
انزاح هم وزاح ديجور
وتباشرت نفسي بالافراح
من شاف نورك صار مسرور
عاش بهنا ما يشكي اتراح
شوفك غناتي يشرح اصدور
وريحة نفسك اتعالج اجراح
مخلوق نور بوسط بلور
متفرّدٍ مابين لملاح
يدلك على الردفين منثور
لو تنشله عند الكعب ساح
وعينك بها كم قلب مسحور
ان ثار رمشك يرمي ارماح
بسمتك تشبه بسمة الحور
وبين اشفتينك لذّة الراح
بين العذارى بأول الدور
داخل فوادي عيش مرتاح
خلك معاي وعيش مغمور
بطير بك لو مالي اجناح
آمر وانا في الامر مأمور
أشر فديتك ما تبا اسلاح
خلني معاك اعيش بالنور
فيك العوض عن كل ما راح