كلمات أغنية دلع يابوش

دلع يا بوش يا مدلع دلع يا بوش
وراك الناس في مشيك امجرجرها

ولو صديت من خلفك تلاقي اجيوش
تلاحق نورك اللي صار ساحرها

عليك اخاف يا غزيل عيون اوحوش
تصيبك عين منهم وانت خابرها

عيونك قاتله لكن عليها ارموش
حمتها بحزم عن عين تناظرها

ميادين الحسن باسمك امسطرها

جمالك ما اظني ينشرى بقروش
ترى الدنيا ضياك اللي منورها

بقدرك فوق ما طالك غشيم اينوش
وصوفك لازم المغرم يقدرها

يخلي دوم دربك بالتبر مفروش
من اول خطوة تمشي لآخرها

نعم من حين ما شفتك أنا مربوش
مفاتن فيك ما اجملها وما اخطرها

احسه بين ضلعيني خبيب البوش
يا خوفي بس لا ضلوعي يكسرها

غدا زينك على دربك امسيرها

أنا شيدت لك بين الحنايا اعروش
وإنته بريحة انسامك امعطرها