كلمات أغنية حبيتها

بوظبي داري الحبيبه فيها حياتي تطيب
بوظبي نورج يلالي يا زينها من مدينه
اعطاج ربي فضائل خيرات من كل عينه
كفاج رب المعادي شر الحسود الغريب

حبيتها من قليبي اشتاق لو غبت ليله
يريض فيها فؤادي نسمه هواها عليله
ف القلب ساكن غلاها بحفظه لمان شيب

ديرتي زايد بناها قائد صفاته فريده
ميزه ربي وخصه باوصاف عظمى مجيده
زعيم الكل حبه بعيدهم و القريب

للعلم شيد واسس كم من مدارس كثيره
في كل شارع وحاره ترى المساجد نويره
اعطى المشاعر و دور العلم اكبر نصيب

جوب الشوارع و انظر ترى القصور الجميله
واثمار واشجار خضراء ف الارض جنه ظليله
والنخل يملي الشوارع بالخيل منظر عجيب

يارب يا خير والي احفظ ابونا خليفه
رئيسنا له مكانه العز دايم حليفه
طاعته واجب علينا لبيك لامره نجيب

مامات زايد وابوخالد يقود المسيره
بالحزم و الصدق ماضي ع نهج زايد مسيره
امال كانت بعيده امست بعزمه قريب

اماراتي الله حماها اساله تبقى سعيده
يدوم عزك و مجدك والخاين الله يبيده
نسالك تغفر و ترحم زايد ابونا الحبيب