كلمات أغنية بوجه السنين

أنا بوجه السنين اللي

خذَت من عمري أفراحه

صغير السن لكنها

حمولي من السنين كبار

ذِبل وجه الفرح فيني

و تعبت أدوّر الراحه

تموت أحلامي قدامي

و لا القى لهالزمان أعذار

يغافلني الزمان إلـين

ما تلحقني ارماحه

وعقرب ساعتي واقف

على وقت الحزن ما دار

محَد قبلي سلَم منَّه

فِتَن آدم بـتفاحه

عشان أعيش في راحه

خذا مني أماني كثار

غَدى حالي مثل طيرٍ

كسير و فاقد جناحه

مكانه فوق لو همّه

كسر جنحانه وما طار

انا اللي لو يطول الليل

و تِغزي عَتمِته الساحه

تَلالا نجمي و تماديت

بأَحلامي و زدت اصرار

انا اللي واجه الدنيا

و صبره كان مفتاحه

و كِسر خشم الحزن يوم ان

دمَّه من زمانه فار

يا وقتي اللي مضى واللي

سرق من عمري افراحه

صغير السن صح

بس ابشموخي ما اهاب كبار