كلمات أغنية صحاب ملاعين
- كلمات
- حسام الشاعر
- ألحان
- حسن شاكوش
أنا عاوز الخلاصه
وروني الشراسه
أنا من غير حراسه
ما تيجي نلخص الحوار
ما تجيبو آخركو
علشان ورانا غيركو
قولولنا فين كبيركو
علشان نشوف لعب الكبار
صحاب ملاعين
يا عقارب على تعابين
معاكم واقفه على تكه
يا صحبة سوء
ادوسها برجلي كله يفوق
مين اللي هيجي عالسكه
عشان مش هعتمد مخلوق
لو انت راجل أنا كتيبه
لو انت كارثه أنا مصيبه
لو انت محضر أنا قضيه
لو انت فيسبا أنا عربيه
لو انت كلمه أنا بحر كلام
لو انت شارع أنا الايام
لو انت عادي أنا المخصوص
لو انت بنك أملاك بفلوس
مفيش تهويش
هجيب من وشكم ألوان
وهعمل في الدماغ تشويش
مفيش قوانين
هنلعب حر ونشوف مين
يسد ويخرج الكسبان
ومين اللي هيقع من مين
بتعيبو وانتو عيبه
حتى في عيوبكو خيبه
أسيادكم احنا هيبه
وهنفضل أعلى منكم بمقام
رد الغلط وجاري
والعرض ليكو ساري
بمعاملة الحواري
هوريكم اننا اعلام
ملكش مكان
خسرت دلعنا والروقان
طمعت في حبة الفكه
خلاص متبرع اللي جعان
جمايلي عليك
ما تتعدش لكن معاليك
عامل فيها ابن ناس وانت
بادئ لسه وجديد في الشيك
أنا عاوز الخلاصه
وروني الشراسه
أنا من غير حراسه
ما تيجي نلخص الحوار
ما تجيبو آخركو
علشان ورانا غيركو
قولولنا فين كبيركو
علشان نشوف لعب الكبار
ده سيرك يا خال
قرود وبتجري عالاحبال
متبلطيه في الزفه
وشغل المصطبه شغال
في ضرب رصاص
دي جاهزه بطلقه عالكباس
وهصطادكم واحد واحد
لو انتو ديابه أنا قناص