كلمات أغنية حلم ابيض

دافي طولك ياحبيبي الچنه روحي التشبه الناس تشبه الناس
مااعوفك ياطبيبي وابو جروحي الكلهن احساس كلهن احساس

الأول التالي غيرك منو ابالي يضحكلي وارتاح
من دخلو جروحي شافو نده بروحي واسباب الصياح

تنتظرك اثيابي وشكد حچي ابابي ماسمعته الناس
عن صفنتي بليلي چم شمعة تبچيلي وتعاتب الياس

رغم كلشي تبقي غالي نجمة عاشقهه النهر
بيه عايش وبخيالي ثنين كبرو بالصور

من عرفتك يادلالي بروحي چم عاشق كبر

بادمعتي وخوفي مايك نسه جروفي والهسه عطشان
تسجدلك اقلامي وترسمك احلامي وتصيرك انسان

من ضحكة سنيني باگو حلم عيني وايام الوياي
گالولي ناسيني ياقبلتي وديني تلگاني والگاك

راح اجيك احساس عندي الگاك واگف بالمطر
نسولف اعلي الماي عني ويسمع ويغفه السهر

نشعل شموع المحبه ويحتفل بينه الشجر
نكتب الدنيا بتعبهه ويوجع البيته السفر

صوتك نهر دافي ماضاگته شفافي شيرجعك وياي
گاعد وره سنيني وتغرف دمع عيني محتاجك اهواي

گلت الهن بروحي من عمده كل نوحي تعبني فرگاك

من غيابك كلشي خالي وبس حنانك ينسمع
عيوني خنگتهه اليالي وصارت الدنيا دمع

ظلمه من جيت اعلي بالي وطافي بچفوفي الشمع
انت ضدفكرة وصالي وگلبي لازم يقتنع