كلمات أغنية كتاب حياتي يا عين
كتاب حياتي يا عين ماشفت زيه كتاب
الفرح فيه سطرين والباقي كله عذاب
اوراقه هم واسى والحبر من دمعي يا عين
كتاب حزين كله مآسي تاليف زمان غدار آسي
الفرح سطر غلط مكتوب لما الزمان كان يوم ناسي
مكتوب فى اول صفحاته واحد غريب وادي حياته
حيعيش حزين ويسيبها حزين امضاء زمن وتحياته
كتب الزمان جواه همي من غير مايرحم ويسمي
كتب عليا البكا والنوح وهان عليه دمعي ومي
الصحة دابت صفحتها من الدموع لما قريتها
استكترتها الدنيا زمان ومن زمان مني خدتها
كشف الحكيم اصبح عادة ومن عيادة لعيادة
وكل واحد اروحله يقول قطعت قلبي بزيادة
بدل الحكيم روحت ل100 وخدت كل الادوية
والكل قالوا على جرحي مخدناهوش في الكلية يا عنيا
دلوقت عندي ماتفرقشي اطيب اروق ولا ماروقشي
العمر عدا وحملي كبير لو كان جبل كان مايطقشي
ييجي الطبيب عندي احكيله يقول سلامتك ادعيله
ولما اقوله ازي الحال يخبي دمعه بمنديله
يا دنيا هاتي كمان هاتي مايهمكيش هم حياتي
ما انا اصلي واخد ع الاحزان والدمع في عيوني ليلاتي
عذاب وهم وتوتة توتة وادي نهاية الحدوتة
بدموع عينيا واحزاني الدنيا راضية ومبسوطة