كلمات أغنية هداج تيما

المدح يفخر فالرجال المناعير
اللي لهم في قمة المجد شاره

امسطرين المجد بالفعل تسطير
في نجد الانجد محتمين فقاره

روس الرجال اللي تقود الطوابير
اهل القرار اللي ينومس قراره

الاد عاضي محتمين المضاهير
لاجا نهارا فيه للخيل غاره

الهم على الجميع الغفير استداره

حماية العطفه بحد البواتير
وسقم الحريب اللي براسه نعاره

واخص ابو تركي زعيم المغاوير
حرا على الهدات عنده جساره

عبدالعزيز اللي نفاخربه الغير
ابن مزيبد شيخ قوم وتجاره

مدات كفه فالليال المعاسير
تزيل عن كبد المرير المراره

هداج تيما مايحسب المخاسير
حاز المراجل كلها بالجداره

ماقدم لراع اللزوم اعتذاره

يضحك حجاجه لالفوه المسايير
ويدله الساري على ضوح ناره

نار تدانا في طرفها المغاتير
الهرش ابو مليون وام الحواره

وضح مكانتها مع اهل الولع غير
تاخذ على كل الطروش الصداره

الاسم رعابات دق ومعاشير
لاسمعت الهوبال فيها دجاره

يبرالها وقت الحيا والمخاضير
في شفها ماشال هم الخساره

وعد النجوم وعد نبت النواوير
صلو على المختار راع البشاره