كلمات أغنية شب المنارة
- كلمات
- خالد متروك المرشدي
- ألحان
- حاكم الشيباني
فيه حرب براسي مايحرر حصاره
لين اشف اول الفنجال وادرج رحاها
من جزيل الكلام ومن صريح العباره
مايظهر شجاع القوم غير قبلاها
وانت يابن مزيبد موقعك في الصداره
راس قومن تحط الناس في مستواها
وارث سمعتك يومن للخيل غاره
جدك اللي يفك جموعها يوم جاها
واخذن قسمك الطيب بفعل وجداره
تفتخربك عتيبه يالسحيل وتباها
واحدن يعشق الطالات حسب اختياره
كل ما ارميبه الهقوه يجي من وراها
ابشر انه يبا يقدملها ويحماها
جدد افعول ابن سداح واخوان ساره
يوم في نجد ما للسابق الا يداها
فارسن في الزمن جدع المجاويخ كاره
يعطي القوم واجبها وياخذ مناها
يالعضياني المطنوخ شب المناره
انطح القوم لارحمت وخيب رجاها
والوعد يابو تركي عند خشم الزباره
قسمنا الاوله والهينه مانباها
مانجيهم صباح الكون رحلة زياره
غير باللي يحسبون الرجال مغزاها
ضيق الكون فيهم يالسحيل ومداره
لين كل الرجال تجوز عن مبتغاها
يوم كلن يقدم للمعايا بكاره
اقلط ببوشك اللي مايوصف حلاها
كل مافي وصايفهن غرور وجباره
فارع يعترض مطرقك على قراها
قوس عرنونها يشوفها اللي قفاها
يوم تعرض بخد للنواظير شاره
مفرع ياخذ النظره ماشاالله علاها
تلتهب في الرواح وتستشيط بحراره
والموده ليا طوح بصوتها شعاها
كل ذودن يمارابه عزلنا خياره
لين جينا بزعجول مايلحق مداها
كسب من لايهاب ولا يحسب الخساره
كل ماحدها راع المطيه شراها