كلمات أغنية ركن عتيبة

يالله اني في ذراك من الزمان اليا استشدا
ياكريم مايخيب ساجد الليل ان دعاله

لا على حكمه علو ولا لمقدوره مردا
وان كتب بامره وقدر شي للمخلوق جاله

قدرتك في مارب وسده تزلزل كل سدا
مايدوم الا انت رب المعجزه جلا جلاله

سابحات الليل طلي لين اشوفك واتقدا
واتعمر من غلاوين القهر واخذ بياله

وان سبحنا البحر عمنا من جزاله لا جزاله

ماكتبت الشعر هاوي بالطواريق ايتودا
دارس دستوره الاول وسلمني الزماله

ليلة تسعين قاف افتل حبلها واتحدى
ومرة عامين تمضي بيت واحد مابداله

الحمول الجايره منها عظم ساقي تكدا
كل ماناديت طرقي راح مانوخ جماله

وصلوني يامناديب السفر بيبان حدا
وانزلوني في سواحلها رهين الاستحاله

مابغيت الا مطار موسس الدار المفدا
فارق التصميم والصاله مهي ب ايات صاله

من يزوره طارت الرحله وهو ماضاق باله

لين يعلن كبتن الرحله مثل ماجاب ودا
واقفلوا بيبانها ثم كل واحد في مجاله

وعلم بفصله من اصله واستدار بها ماهدا
كنه يداري ضميري عارف اني في عجاله

لا تعلا حط جده في قفاها ولا تمدا
بيت ربي عن يمين وقبر سيدنا شماله

ناحر لنجد العذيه واشتعل بالقلب ودا
وناوش الشاعر قلمه وقام يكتب ماطراله

قاصد في نجد قصر في مرابعها يعدا
مثل ظل ابراج نجد يظل ربعه في ظلاله

عند شيخ لا وصلته كفه من الجود ندا
ذاخرينه في عتيبه رمزها وسيف العداله

عند فنجال ومثل فنجال فالمدح المبدا
مبهج الضايق سوات العيد لا بين هلاله

الحميا والشجاعه ورثهم لاب وجدا
ميزة فالاد مشيب من سلاله لا سلاله

ركن لعتيبه ليا جات الشدايد ما تعدا
كم على وجه البسيطه شامخ مكرم سباله

فاتح للضيف بابه ذا يعشا وذا يغدا
مجلسه مقطاع حق ان مس للناصي حباله

لابدالك ثم رحب زاح هم مستمدا
خل عاد الدول الاول لاشربته من دلاله

يابو خالد قصة محمد نبي الله تضدا
اهدرت دمه قريش وحاربت عمه وخاله

برك الله عند رجله هامة القصوا وشدا
وغنت الانصار لقدومه صلاتي له واله

البعيد ليا تجمل والقريب ليا تردا
فتنة حتى نبي الله هجر منها عياله
ابن عمك لو معه حيله مالد العين لدا
يركز من ضلوع صدره للقبر منصوب حاله

ماكتبت الا رموز ان جات مثلك ماتعدا
وياصلاة الله على اللي خصه الله بالرساله

معلومات الاغنية
كلمات محمد بن حريبيش
اداء حاكم الشيباني
تسجيل استديوهات طواريق