كلمات أغنية مترو

ف يوم من الايام غلطت ركبت مترو
واقف قصاد الباب الناس حواليا كتروا
اصوات كتيرة خبطت ف روحي عملتلي ربكة
مليون حكاية ملهاش نهاية ولا ليها حبكة
مخنوق وجلدي مابقاش مقاسي
يوم القيامة تفضى الكراسي
والخلق شابكة ف خلاف سياسي
عن اي حاجة مابتتحسمشي
والباب يزمر ساعتين تلاتة
يصرخ يدمر و يزيد غتاتة
والمترو تاتا صفيح تباتة
لا منه واقف ولا راضي يمشي
وعشان احافظ على المكان ده عايزلي ثورة
واحد خبطني انا قولت لازم هايعتذرلي
بصيتله فجاة لقيته تنح و قام زاغرلي
انا قولت اهدى وبضحكة باردة اداري غلي
مخنوق وجلدي مابقاش مقاسي
يوم القيامة تفضى الكراسي
والخلق شابكة ف خلاف سياسي
عن اي حاجة مابتتحسمشي
والباب يزمر ساعتين تلاتة
يصرخ يدمر و يزيد غتاتة
والمترو تاتا صفيح تباتة
لا منه واقف ولا راضي يمشي