كلمات أغنية متخفش من بكره

متخفش من بكرة وانا معاك
أنا هبقى دايما واقفة وراك
وعمرى ما هقولك ملّيت
وزى ما عايزنى أنا عايزاك
لو بعد ميت سنه هستناك
وموش هحس إن أنا ضحيت

اقع واقف تانى على رجليك
موش عيب دا مايقعش الا الشاطر
اجمد اوى انا مؤمنة بيك
هنكمل المشوار للآخر

اتخلقت الدنيا فى كذا يوم
والشاطر اللى يقع ويقوم
أنا قولت دا و هفضل أقوله

إضمنّى متخافش أنا فى ايديك
مش هبقى أنا والدنيا عليك
وحلمنا مسيرنا نطوله

اقع واقف تانى على رجليك
موش عيب دا مايقعش الا الشاطر
اجمد اوى انا مؤمنة بيك
هنكمل المشوار للآخر