كلمات أغنية شيخ المستحيله

هاجس يارد على العد الرهاوي
ما له إلا مدح شيخ المستحيله

سيدي حمدان تنخاك العزاوي
يا ذخرنا في المواقيف الثقيله

كل م اسري فالدجى والذيب عاوي
تطري فبالي عسى سنينك طويله

والقصيد ان شع من معناه ضاوي
قلت من فزاع يتقادح شعيله

يوقف التاريخ له قدر وفضيله

ماله ف تفكيره و فعله مساوي
وحده اللي معتلي راس الطويله

معك نلقى العز و تطيب الهقاوي
للفخر فزاع ومحمد دليله

تمسك كبار القضايا و الدعاوي
مثل ما تمسك يدك رسن الكحيله

فارس تنومس ولك قلب هواوي
في بنات الريح و الهجن الأصيله

نجمك تعدى على النجم السماوي
ما ترك بين الليال السود ليله

سال وادي الطيب من هام المخيله

وكل جرح من الزمن ماله مداوي
شوفتك تبريه وتشافي غليله

وكل عود من عنا الايام ذاوي
في ربوع دبي له فوع و خميله

وبل جودك كنه السيل النحاوي
ما ترك فالكون له بقعه محيله

والمجره باسمك تشل الغناوي
والخليج اليعربي فضلك يشيله

ما يوفي مجدك المشهود راوي
والبحور السبع في مدحك قليله

معلومات الاغنية
شيلة مهداة إلى سمو الشيخ حمدان بن محمد بن راشد المكتوم ولي عهد دبي

كلمات أحمد المقبالي الوضاح
اداء جمعه العريمي
فيديو المفارق