كلمات أغنية اهداء الى السيد خالد بن حمد البوسعيدي

سرى الليل والشاعر سرى من شمال عمان
هواجيسه لمسقط بالإبداع منقاده

يزعفر حروف الشعر ويهيل القيفان
يقند هل الشعر الحقيقي ورواده

وأنا شاعر ما ينطق الزور والبهتان
أقول الكلام الحق واثبت سناده

سلامي على اللي كاسب الطايله والشان
عليه السمو والعز من يوم ميلاده

جزيل الشعر مع ذكره ايحين ميعاده

بحور القصيد اتجمع الدر والمرجان
كرامة عشان البوسعيدي ولأمجاده

هذا السيد اللي سيرته للفخر عنوان
وماجوبه ووقفاته اتنومس الساده

من نشوف في نظرة عيونه يشوف عمان
محبة عمان تسابق محبة أولاده

يسلطن غلاها من وفاء فأعذب الألحان
مثل ما تسلطن بالفخر داخل بلاده

يسد المواقف لا احتمى الموقف الرنان
له يمين فكبار المواقيف سداده

يبان الكفو والخايب يحول شداده

له المجلس العامر من العود والرسلان
مقام شغاميم الرجاجيل تعتاده

مثل ما يزيد الجود فـ مقابل الضيفان
عسى ربي يزيده من افضاله زياده

ولد من حفر في قمة المجد له نيشان
وسيرته فـ صدور التواريخ وقاده

حمد بن حمود ونعم ضلت إلين الآن
كثر ما تجمل والجمايل معه عاده

كثر ما سخت يمناه بالفضل والعرفان
يمينه بـ فعل الخير والطيب معتاده

رسم سيرة النهضه مع الراحل السلطان
وعاش بتفاني يسند الدار والقاده

عسى الله يخلد روحه فـ جنة الرضوان
مثل ما تخلد طيبه وطيب أمجاده

رحل لكن أفعاله بقت له شهود أعيان
ولا مات من خلف معانيه لأولاده