كلمات أغنية ابعتذر

ضاري على الاتراح والضيق يا صاح
ما شفت منه في مدى العمر قِلّه

لا ما جبرني الوقت ولا همّي انزاح
والصبر حمدٍ باطن القلب شلّه

مسرى مع الهوجاس تاره ومسراح
وحيد وقلبي في العنى ما حدٍ له

غريب ادوّر عن وطن فيه ابرتاح
منهو على دربه فوادي يدلّه؟

ما عدت عند الناس مبطي المِحلّه

واقع وضر القلب فيّه ولا راح
وازعِل به من لا يستحقون زله

اعاند ظروفي على القدره اكفاح
ويزيد ما ينقص ضرر ظرفي لِلَه

يا الله على بابك طلبناك الاصلاح
يا الله رجيتك تدمح الضيق كله

لي قلب طيّب ودّه يعيش مرتاح
ما يستحق اللي جرى له وحصلّه

وابعتذر ان قِل صبري م لـجراح
خلّي ظروفي زادت الروح خِلّه