كلمات أغنية عالم

عالم ولا الهم وفه
شمعي ابهواهم طفه
خلوني كلي جروح
وعيوني بس اتنوح
عالم ولا الهم أمان
ماكو ابگلبهم حنان

بين الجرح والسهر
وظل گلبي تعبان ...مايلگة راحه
بهمومه خلووه ....وكسروا اجناحه
وشكد عليهم اتعب
وبگلبي همي يلعب
وهمه ماقدروني .....عالم متستحي ...!!
عالم احبهم چنت
فدوه العطرهم رحت

ظيم وعذاب وغدر
چنت الهم اني سند
ماتعبتهم ابد
جازوني بس بالدمع
بيهم چنت منخدع
وخلوني مقهور ..وشابع ملامه
والشامت اوياي...يجرح كلامه
خلوني حاير واسأل
گلبي ابعذابه طول
وحبوا ...وبدولني....عالم متستحي....!!
ماكو ابعشگهم فرح
گلبي تعب وانجرح
طردوني بره الگلب
وحالي ابهواهم صعب
بدموعي محد وگف
وبيه الميعرف عرررف
وتالي العلاقه انتهت
وعيوني من دم بچت
لك والله متصير....هيجي اني ابچي
من كثر الجروح ....ما ادري شحچي
مافرحوني مره
ونطوني عين الحمره
بالعشگ...عذبوني ...عالم متستحي..