كلمات أغنية دمعي بخبيه

هو أنا ليه دمعي بخبيه من أقرب حد
واللي بيسأل ويقول مالك ملاقيش رد
نفسي وفرحي متعاركين خصموا بعض
واللي أنا شايله جوا في قلبي بجد يخض

عامل للأحزان أنا في قلبي شقق إسكان
والدمع بينزل من عيني في كل مكان
وأمارة أما أنا هوصف لكم العنوان
اسم الشارع أكتر حد اتهان واتخان

ما فيش موضوع دي كلمة بقولها ما أنا مش عايز أتكلم
في عيني دموع لكن دايما بخبي إني بتألم
بقول لكم إيه ما عنديش حد غيري ممكن أبكي عليه

وأعيط ليه
عشان جوايا جرح بس صعب أداريه
واحد فاض بي وكاره كل حاجة واللي فيه مكفيه

شبل أسد لكن متربي في وسط ضباع
لازم برضه هياخد منهم أي طباع
عرف الخبث وبقى تفكيره سم وبقى خداع
بقى متأقلم بالدم مع فرق الأوضاع

شاف الهم وعيط دمعلشان غلبان
لكن اتشرش على إيد ضبع وكام تعبان
كان بيعامل كله بطيبة وكان إنسان
كان بينام ودموعه تسيل زي الفيضان

ده شاف أحزان بقى بيتخان وكل الناس بقت تأذيه
في كل مكان بقى يواجه حاجات بتهده وبتكويه

في جوايا نار
علشان كنت بامن ناس ما رحمتنيش
وخدت مسار يعيش جاحد
يا مش عايز يا دنياأعيش

أنا المنهار لكن واخد قرار حزني ما يكسرنيش

إنتي نسيتي وأنا ما نسيتش بحاول أعيش
إنتي كدبتي في حبك إنتي ما حبتنيش
أنا كان نفسي إنك تفضلي هنا وما تمشيش
بعدك أثر فيا وفراقي ما وجعكيش

يوم والتاني أنا هنسى غيابك
وهبقى تمام
ما نسيتكيش بالقسوة وهنساكي بالأيام