كلمات أغنية خدنا مناعة

نفوق شويه في إيه يا جماعه
و ما نجريش ورا ناس بياعه
اللي إستغنى بره دماغنا
يمشي و غيره ييجي في ساعه
إيه يا جماعه

نفوق شويه في إيه يا جماعه
إحنا خلاص كده خدنا مناعه
فاكرينا هنموت من غيرهم
و أهو طلع الموضوع إشاعه
إيه يا جماعه

لو كان فيهم خير كان طرح
و يعوض الله
ده إحنا المفروض نعمل فرح
و يعوض الله

نخرج و نسهر بقى يا جماعه
بأحلى لبس على الشماعه
نتعرف على ناس شبهنا
من فضلكوا حبة شجاعه
إيه يا جماعه

و يعوض الله يعوض الله يعوض الله
لو كان فيهم خير كان طرح
و يعوض الله
ده إحنا المفروض نعمل فرح

معلومات الاغنية
كلمات احمد المالكى
الحان بلال سرور
توزيع توما
مكساج وماستر توما
تسجيل جلال فهمى
جيتار مصطفى نصر
طبله احمد العيادى