كلمات أغنية طريق المطار

غناء بلطي Balti

كلمات: بلطي
ألحان: بلطي

آه يا ماما
آه يا بابا
نرجلك نطير
انا
آه يا ماما
آه يا بابا
وليدكم ما يحير
وينو

وينو طريڨ المطار و باب ال départ
منحبش نوصل retard نشوفو الدنيا
نعيشو كالامراء و نجيبو الدولارات

وينو طريڨ المطار و باب ال départ
منحبش نوصل retard نشوفو الدنيا
نعيشو كالامراء و نجيبو الدولارات يزي مالدمارا نولو غنيا
و نطيرو و نطيرو و الي فبالي نديرو
وجينا من الزيرو لا نخافو لا نحيرو
و نطيرو و نطيرو طيري يا طيارة
منهم jen ai marre فراڨهم موش خسارة

هات اعطيوني الڤيزا نعبي الڤاليزا
ونبوس وخاياني ماتبكيش ياعزيزة
نبدل الادريسة و نبوس الموناليزا
وننسى الي نساوني حسدوني في خبيزة
وتهنى الامور و نرجعلك ياما
و تزغريط و بخور معايا اولادي والمادام
وليدك مڨهور ما شافوني وقت الزما
غدوة العجلا دور نهديلك أغلا ما فما
وينو طريڨ المطار و باب ال départ
منحبش نوصل retard نشوفو الدنيا
نعيشو كالامراء و نجيبو الدولارات
و يزي مالدمارا نولو غنيا

نحب نشد ثنيتي ماعرفو قيمتي
معايا كان المولى و دعاويكي ياميمتي
مڨطع رباطي و نقرى في سوراتي
و موحل الطولا كي تجي الضربة ما نراتي
ونبعثلك فوطو نضحك في تصويرة
خليهم يموتو حسدي بالغيرة
و ندور الموندو و نعبي الcompte
آه يا بلادي راجعلهم بالبونتو

وينو طريڨ المطار و باب ال départ
منحبش نوصل retard نشوفو الدنيا
نعيشو كالامراء و نجيبو الدولارات
و يزي مالدمارا نولو غنيا

كلمات أغنية طريق المطار

أغاني أخرى لـبلطي