كلمات أغنية حواديتنا

الرغي ع البسطة و الجري في الشارع الكشك ع الناصية الشيبسي و الساقع

الكورة و الحجلة و اللعب بالعجلة ذكري لحلم جميل ماضي و مش راجع

شنطتنا مش ناقصة لابسين جديد في جديد الاكل في الحصة و الميس تعيد و تزيد

الدرس و المجاميع خرزانة التسميع الكل نط السور صايع شاطر و بليد

و ادينا اهو كبرنا و معانا تفاصيلنا بنشوفها من تاني متعادة في عيالنا

برائتها تلمسنا و تنسي المواجع

و مكتب التنسيق بمزاجه سوحنا مش فارق الرغبات و طز في طموحنا

نفضنا دبلرنا دكتور يكدرنا و بعد دح كتير مقبول تنجحنا

القعدة ع القهوة و الضحك بزيادة مشاريبنا ع النوتة نطلب ونتمادي

الدومنة و الطاولة نلعب مع الشلة نسهر نغني يا ليل حواديتنا كالعادة

و ادينا اهو كبرنا و معانا تفاصيلنا بنشوفها من تاني متعادة في عيالنا

برائتها تلمسنا و تنسي المواجع

دلوقتي راحت فين الضحكة في وشوشنا في الدنيا ليه تايهين و العتمة بتحوشنا

خبطة تفركشنا ننده و مين سامع