كلمات أغنية تذكرة

يا قاطع تذكرة ليا و راميها في درجك المقفول

لا بتسافر ولا بتفضل ولا بتسكت ولا بتقول

موارب قلبك البارد و قارب دنيتك شارد

مطبق حلمنا و فارد شراع خوفك من المجهول

بكيفك دوس علي النعمة و في الاخر مسيرها تزول

يا قاطع فيا بغيابك و قاطع فيا بحضورك

بدوري بحب و اتعشم و بستني و مجاش دورك

بشق كلامي و هدومي و ابيع بكرة بتمن يومي

و الاعب الارض في الكومي و بخسر بالولد علطول

بكيفك دوس علي النعمة و في الاخر مسيرها تزول

ايهاب عبد الواحد : غناء & جيتار

ماريز لحود : غناء

مايكل فؤاد : قانون

ايهاب سمير : غناء & تشيلو & بيانو

امير سمير : غناء & كمنجة & بيانو

رائد سيكا & هاني سيكا : ايقاعات

محمد العشري : باص جيتار