كلمات أغنية يا فالح الراي

البال مزحوم والافكار مزحومه
قامت تداحم ماعاد اللقى لها راعي

لو فيه احد يشتري له قلب بهمومه
نوزع قلوبناا جمله وقطاعي

قدامك السوق واللي يعجبك سومه
حنا مسويين تخفيضات ونراعي

يانايم القلب جعل النومه النومه
القايله عانها صكت وانا واعي

يتركني مع الجنون اسنع اوضاعي

احيان احط البحر نصين واعومه
واحيان ادف النجوم البيض بذراعي

الحر مهما يحوم ويبعد الحومه
ابعد مسافه وصلها تحت ميقاعي

ياليتني في السما نجمن مع نجومه
اضمن لك إن تطرب الجوزاء على ابداعي

وسهيل ياخذ علومي واخذ علومه
احسن من علوم ناسن مالهاا داعي

اشوم عنها لو ان الكبد مقسومه
انا رجل مستحيل اغير اطباعي

نصايحه كل يوم ترن في اسماعي

ياناس قلنا لحوم الناس مسمومه
الياا متى والخبول تصيح وتعاععي

المستحي يستحي حتى من هدومه
والخبل يسرح ويمرح بإسمه رباعي

واللي تروح غفال تجيك ماسومه
واللي عليها ووسوم اتروح امزاعي

يافالح الراي احب اعطيك معلومه
اليوم بعض اللحى ديكور اصناعي

واللحيه اللي على رجال محشومه
نحشمه مثل ابن حنبل والاوزاعي

الطيب يبين فيه الطيب من يومه
ترى مورايه ماتخفى على الواعي

واللحيه اللي على زنديخ مظلومه
ظالم بختها خبيث بالردى ساعي

في غرة الغافلين مسلط سهومه
يقتل مع القاتل وينعى مع الناعي

جرثومتن ماتقارن بإي جرثومه
تحير الطب حتى الطب الاشعاعي