كلمات أغنية بدايتهة جذب

من اول لعب لعد خلني انسحب
كلت قبلك جنت ولا موحة احب

طلعت تحب قبل عدد ماينحسب
بسم اللا ويلك بدايتهة جذب

على غيري مشت وطيحته بورط
بس هالمرة لا جذبك ما ظبط

كافي من الجذب لسانك مافغاب
الصراحة صرت اشك حتى اسمك غاب

بجيت ومثلت تقنعني ردت
عند الله العلم شنو مخطط جنت

ردت تلعبها صح بس ماسيطرت
انا هوايه اعتذر كشفتك من وكت

شكد حظك ردي شجابك يا بشر
اي يم واحد طحت عليه محد قدر

تره بهذا الدرب جدمي هوايه مر
فيلمك محترك ومكشوفة الصور

اذا غيري انلوى وعليه كلبك قوى
اصابيعك ترا مو كلهن سوا

عليك انا صعب ميدرني الهوى
اظل طول العمر فوك المستوى

حاول تفتهم وشوي تقتنع
ترا يدور الزمن تخدع تنخدع

اذا بغيري لعبت مو معناها سبع
اكو بعض البشر طيب بالطبع