كلمات أغنية المساء بارد

المسا بارد بدونك حيل بارد
وانت شارد وين عني بس شارد

مادريت اني بدونك دون روح
مادريت اني فقط اه وجروح

والمسا من دون شوفك حيل بارد

يا امنياتي فيك لجروحي شفا
ليه تقسى وتلبس اثياب الجفا

شوف دمعي دم من عيني يفوح
وشوف صوتي كم تقطع لاتروح

والمسا من دون شوفك حيل بارد

غاب حسك مات حسي لو تحس
انت امس وحلم بكره انت بس

في غيابك عمري يالوجه السموح
دون طعم ودون لون ودون روح

والمسا بارد بدونك حيل بارد

كنت اشوفك ابتسامات اليتيم
كنت اهيمك ياطهر زخات ديم

كنت اعمر فيك امالي صروح
وان تضايق خاطري جيتك ابوح

والمسا بارد بدونك حيل بارد

لاتطول غيبتك يابن الحلال
ياوليفي ارحم العاشق تعال

والله اني في غيابك دون روح
في غيابك عاشقك جمله جروح

اذبح ابرود المسا وين انت شارد
في غيابك والمسا بالحيل بارد