كلمات أغنية عيدوا يا حرب ربعي

جاكم اللي يعطي الخصم نظرة نص عين
تكبر الدعوى وتصغر على وضع التمام

جاكم اللي لا احتمى العلم وقفاته تبين
صفقوا له واوقفوا له مهابه واحترام

ازهلوني للنواميس واضمنها تزين
والله اني لا اعدم قلوب عذالي عدام

وابشروا بي كل ما قمت والقاسي يلين
اتهقوى في هلا قبل مردود السلام

والفرح فالعيد يضفي عليكم كل عام

عيدو ياحرب ربعي كبار العالمين
انتم اهل الفعل الابلج عليه بالحرام

وانتم اللي تستحقون هيبات السنين
يا بحور الجود والزود وبدور الظلام

لابتي كابر لكابر وهيبة غانمين
طاب فيهم قول والنعم والمدح استقام

حرب حرابة دول شوق ناصعت الجبين
الله اكبر يوم يطغون ويثور العسام

سالم ومسروح من وين احددهم لوين
استماتوا عند مجدن عليه الحظ قام

والله انه يحرم عيون الاخصام المنام

من يبينا فزعتن له مقاديره تزين
ومن يناطحنا على هيبة الدنيا يضام

اعتلينا بالبطولات مثل الفرقدين
ماعطينا غيرنا فالنواميس اهتمام

من كثر ما نبعد الفرق صرنا فارقين
استوينا واعتدلنا على راس السنام

في ذرى الله ثم ذرى نصرة المستضعفين
الملوك اهل العزم والحزم واهل المقام

دام سلمان ومحمد لنا في كل حين
دارنا تحت امرهم مستمره فالامام