كلمات أغنية يالهوي من ظلم الميرى
- كلمات
- الشاعر الفاجر
- ألحان
- بحرية
براكين في قلبي بقت قايمه
انا مش هقول في بشر نايمه
يلي انت قاعد تتجبرت
الدنيا ديا ماهيش دايمه
عينيكو بقي جبتو ضرفها
وحريمكو مشيت علي كيفها
بلاش كلام حامض واحذر
ولو في حاجه يلي اصرفها
ابويا كان صاحب شركه
وكتبلي انا نص التركه
وكنت بايظ من صغري
فلوس كتير ايامي مانجا
وفي جمبي بطلع بطبنجا
باخد بيور انا مش داري
يوماتي بضربلي سرنجه
تعبت من الايام يابا
بقيت خلاص عضو عصابه
في اي مصلحه انا راشق
بقش زي الدبابه
بدل التعاطي بقيت تاجر
سموني في المهنه الفاجر
وصحابي بقو مصدر ازعاج
وفي ضهري سكاكين وخناجر
الاقيكو فين ياصحاب قشره
مش ليسته سوده هعمل نشره
المرشدين طلعو صحابي
ده كاري عمره ماكان كارنا
في الشغل كنت جايب فيرنا
وحاجتي جبتها من الصحرا
وكان في حد مصورنا
خد الحاجات باي باي سلم
مع ابويا في الفون بتكلم
والحاجة محطوطه في الشنطة
في حد بالتباشير علم
النسر قالي اثبت ياابيض
وبلاها خوف عايزك تجمد
افتحلي بقي يلي الشنطة
وبلاش شقاوه لهتتفرهد
فتح وجابلي اتنين كيلو
وكان واقف شادد حيلو
وفي جيبي كان الفين جني
وقال هاتوه وهاتو زميلو
سامحني من فضلك يابا
كل البشر كانو ديابه
الحرز كان اتنين كيلو
والصبح ودوني نيابه
داخل بلبسي العرض عليه
يابيه يابيه ياسعاده البيه
الحاجه ديه مش حاجتي
في جيبي جي بنص جنيه
حطنلي مليون جني صافي
وادوني شمتين في كتافي
معاييش انا المبلغ دوا
دليل ادانتي ماهوش كافي
انا ابن ناس وابويا عمده
وليه عزوه وعيله جامده
بقيت ياباشا محبوس عندك
عشان صحابي عيال جاحده
شيلو الحديد مني فرمني
والله العظيم بقي يالمني
وكل ماعمل حاجه حلوه
نفسي الي فيا بتشتمني
الحكم كان بعشر اعوام
منهم قعدت عشر تيام
ماليش سوابق في المهنه
ده كلو من كيد الأخصام
انتم كلاب ولف حقيره
شغلتكو هنا شغله كبيره
حاسدني دايما علي رزقي
بقيتو مني تموتو غيره
ده كله هيهون من اجلي
حرام عليا انا محتاجلي
وعشان بقيتو غاليين عندي
كتبت اسمكو علي رجلي
معاكو مش هبعد عنكو
هايبني ماانا كاسر عينكو
مافكوش رجوله بقرشين صاغ
ده انتو الحريم اجدع منكو
يالهوي من ظلم الميري
مافيش حليب وجبن كيري
دخلتو لازم هتحول
اكيد هكون واحد غيري
ماباكلش عدس ده يتعبني
مشربش كيميا تغيبني
اياك تقولي يااخو احذر
الكلمه دي بتعصبني
معاناش فلوس لحنين وغرام
ولا احب حد الحب حرام
لو قلت انا لوحده بحبك
اكيد هتعرف انه الكلام
ماليش مكان انا متحدد
وحمله علي كله مبدد
هتيجي علي جيهتي بمطوه
هدخل جيهتكو بمتعدد