كلمات أغنية سقف الجمال

علينا سقف الجمال وعملنا فيه فتنة
ولا عمر قلبنا مال ولا حد كلفتنا
بيحطوا تقلنا مال بتطب كفتنا
الشعر فينا إتقال ولا كلمة كفتنا

الله الوكيل لله الأمر فوضنا
ولا حد ساقنا معاه ولا حد روضنا
لو الهموم تتعان هاتتملي أوضنا
بس الكريم موجود على طول معوضنا

إحنا اللي وسط الناس غاليين وذاع سيطنا
ومالوش لازمه الكلام ده كفاية بصتنا
مهما إن علي التانيين اللي إحنا فيه باسطنا

عدا علينا وفات ولا حاجة هزتنا
دايما مقامنا كبير عارفين معزتنا
عزينا كل الناس والناس ما عزيتنا
مع إنهم غاليين ودقيقنا مع زيتنا

إحنا اللي لينا كيان وبنمشي نتفدا
مالناش في ظلم فلان عذرا فقد فات ده
لو غيرنا فالصو يبان إحنا نبان فضة
خيرنا في إيدينا إن زاد عالناس بيتفضى