كلمات أغنية الجرسونات
- كلمات
- بديع خيري
- ألحان
- سيد درويش
استمع إلى أغنية الجرسونات على الفن
اهى شغلتنا كده يا افندية نفضل كده
نهاتى اللى نقوله نعيده كاننا بنقرا ف عدية
ده الجرسون منا يا بيه وحياتك له الجنة
ياما بنقاسى ف خوتة ودوشة ومرمطة يا اخواننا
نفضل شايلين صوانى وماشيين زى المكوك رايحين جايين
اينا سيروبي اينارجي ليه
اينا كافيه فاري جليكي
اهي شغلتنا كده يافندية نفضل نحزق بالصفة ديه
ونهاتي واللي نقوله نعيده اكننا بنقرا في عدية
دا الجرسون منا يابيه وحياتك له الجنه
ياما بنقاسي ف خوتة ودوشة ومرمطة ياخوانا
نفضل شايلين صواني وماشيين زي المكوك رايحين جايين
ياخواتي خلو عقلنا سبعه سباتي يلحسوه
اهو المقدر يابيه عليه
يفرح يكدر مش بايديك
بلا مارتيل بلا ويسكي وصودا دا الجرسون عايش عيشة سودة
كان مالنا احنا ومال الكار ده ولسه ياما هنشوف ياسي فودة
بالله احسب يابيه كام كيلو بنمشي ف الساعه
بس من البوفيه للزبون كده من غير لكاعه
دا عنده دورين وده تلاته دا عايز فرموت ودا جيلاته
دا عايز دور وسكي ودا بيرة ودا مزة ودا كافيه
احيه لاهو الجرسون عقله دفتر توب عليه
زبايننا مالها جرالها ايه
بقشيش مافيش ياخواننا ليه
التشطيب دا ومنع الخمره خلو عيشتنا جهنم حمرة
كان ييجي الزبون لينا طينة نغالطه ونجرده يابوسمرة
دا اللي عنده عيال يابيه يعيش ازاي الايام دي
وياريت ع الشقى اللي احنا فيه نزيد ياسي حمدي
ياناس دا حرام داحنا غلابة ادحنا عملنا لنا نقابه
برضه مسيرنا نبلغ امانينا بالوئام