كلمات أغنية فرحة العيد

جيه العيد أهو جيه العيد
فرحة وبهجة ولبس جديد
كحك وبسكوت من إيد ماما
وبابا بيديني عيدية أكيد

ماما لا أعمل كحك معاك
لو باظت تقوليلي فداك
الا أقولك من غير ما أعمل
قولي لبابا إني بساعدك

فرحة العيد
والكل سعيد
وفسحة وخروج

هيصوا يا ولاد
وافرحوا يا بنات
بمب وصواريخ
وافرحوا بالعيد

صلاة العيد وصوت التكبير
وفي الشارع أصحابنا كتير
ندعي يا رب يديم أفراحنا
والأعياد تيجي منها كتير

جيه العيد ادونا عيدية
مش عايزين خمسة تمنية
عايزين نخرج بعد ما نفطر
مش تقولوا لا اصبروا شوية

والكل سعيد
كحك وبسكوت
وفسحة وخروج

هيصوا يا ولاد
وافرحوا يا بنات
بمب وصواريخ
وافرحوا بالعيد

شفتك من البلكونة طالع
عمو حبيبي أنا هفتحليه
في الأيام العادية
مش بطلع أسلم عليه

نورت يا عمو عيد سعيد
إيه رأيك في طقم جديد
قالي جميل واداني عيدية
نجحت خطتي بالتاكيد

فرحة العيد
والكل سعيد
كحك وبسكوت
وفسحة وخروج

هيصوا يا ولاد
وافرحوا يا بنات
بمب وصواريخ
وافرحوا بالعيد

أغاني أخرى لـايسل خالد