كلمات أغنية تسمحلي

تسمح لي اميل اليك .. واتوه فى بحور عينيك

واهيم فى نسيم هواك .. واسيب قلبي فى ايديك

تسمح ..؟

وبعد ده كله خالص .. مش عايزة حاجة خالص

غير حاجة واحدة بس .. تسمح لي اغير عليك

تسمح ..؟

تسمح لي نكون حبايب .. انا عاشقة وانت دايب

ولا فيش للظن نايب .. ولا من ده ودى ودى

واسمح لي ادى قلبي .. الحق يصون لي حبي

واظن ده يبقى واجبي .. ما دم راح نبتدي

حكاية حبنا .. حكاية تليق بنا

وبعد ده كله خالص .. مش عايزة حاجة خالص

غير حاجة واحدة بس .. تسمح لي اغير عليك

تسمح ..؟

تسمح لي اعيش حياتك .. وذاتي تدوب فى ذاتك

واعوض لك ما فاتك .. فى الدنيا من هناء

واجمل بيك حياتي .. واطول بيك امنياتي

واقول للدنيا هاتي .. ليالي حنية

مدفيها الهوى .. ما دمنا احنا سوى

وبعد ده كله خالص .. مش عايزة حاجة خالص

غير حاجة واحدة بس .. تسمح لي اغير عليك

تسمح ..؟