كلمات أغنية مهرجان قولو فيا وفيا ونمو عليا

ادم نزلنا بحور الدم
عشان قطف التفاحه
والناس طول مهى سامعه لإبليس
مش هتعيش يوم مرتاحه
ناسيين الدين وبقينا وحشين
وبنأذى بكل بجاحه
ودا كلو بيحصلنا علشان ربنا
غضبان بصراحه

احنا فى زمان بقا فيه الشمال
اسلوب حياه
لأ واحنا كنا مفكرينو
لما الحرام يصبح حلال
الخير منين نلقاه
عشق الفلوس خلا النفوس
تغدر ياحول الله

الخلق بتقبل على نفسها
وبتاكل فى حقوق غيرها
لأ وبتفتخر انها موذيه
وعادى فى داهيه ضميرها
معروفه أن القربه المخرومه
بتخر ع اللى يشيلها
بكره الناس المظلومه
حقها من كل ظالم هيجيلها

حسبى الله ونعمه الوكيل
مش بس كلمه
معناها انى عامل توكيل
داين تدان بكره إلى خان
هيشوفها ضلمه
دانا كنت فعلا فى امتحان
وبقيت فى نعمه

قولو فيا وفيا ونمو عليا
وهاتو فى سيرتى وجيبو
مش حاجه جديده عليكو اذا كان
كنتو فى بعضكو بتعيبو
ربنا مش على كيف حد
وكل واحد مكتوبلو نصيبو
انا سلمتها لله ومتأكد
حقى اكيد هيجيبو

أنا كنت نعمه كبيره
وانتو ما حسيتوها
ايامى مهما عملتو
صعب تعوضوها
جدعنتى مش بسهوله
دلوقتى تلاقوها
الطيبه مش حاجه وحشه
يالى استغلتوها

اصعب حاجه فى الدنيا
لما يوحشك حد مات
فى الوقت دا بتحس
إن روحك اتدفنت معاه
الصبر من عندك يارب

اللى اتمنيتهم من ربنا
راحو منى خلاص فارقونى
أنساهم ازاى دانا كل ما اغمض
عينى فى منامى بيجونى
علطول مهموم مبدوقش النوم
والحزن باين فى عيونى
اللى مصبرنى أن الملكين
دول ع الجنه هياخدونى

الحمد لله أنى واقف
على رجلى لسه
لو حد غيرى زمانو كان
دلوقتى جثه
رب العباد عالم بحالى
إدانى فرصه
دانا خدت درس مدرسوش
استاذ فى حصه
نفسى فى فرحه تهون على قلبى
عشان والله بموت
احزانى قاتلانى تعبان وبعانى
دانا من جوايا مكبوت
بضحك قدام الناس من غلبى
بحاول اعمل مبسوط
ومجرد ما ابقا لوحدى
انا بصرخ من غير صوت

نفسى فى كفن أتلف فيه
وارتاح ياربى
قلبى اتدفن مين حس بيه
ما فى حد جمبى
حنيتى كات غلطتى
و الذنب ذنبى
دانا لو هجيب اللوم هجيبو
عليك ياقلبى