كلمات أغنية ولا تحزن

ولا تحزن اذا ما غنت الدنيا على ليلاك
تبسم و انتظر ليلاك هي اللي تغني لك
ولا تحزن على حزة مغيب الشمس عن دنياك
تغيب و عذرها تاخذ صباح الغير من ليلك
ولا تحزن على ارضك اذا صار الوطن منفاك
تمسك بـ آخر ترابه الين ترابه يشيلك
ولا تحزن اذا صرت الغريب بطبعك و مبداك
مدام الحلم حلمك لازم التأويل تأويلك
ولا تحزن اذا ما فيه غير الذنب شي ابكاك
دموع لغير وجه الله ما تسوى مناديلك
ولا تحزن اذا ماباقي الا يديك في مخباك
نصيب كاتبه ربي يجي لك غصب بيجي لك
ورا ظهرك بتلقى ناس تفرح لك و تدعي لك
ولا تحزن على اللي مانسيت انه قدر ينساك
تأكد من يضحي فيك لا يمكن يضحي لك
ولا تحزن على عثرات عمرك جعلها تفداك
تشوف المقبل أجمل كل ما توقف على حيلك
ولا تحزن اذا ما انصفوك الناس في محياك
تموت و يسرفون الناس في مدحك و تبجيلك