كلمات أغنية ما قلتلك

مــــا قـلـــــتـلــك
ما قلت لك .. من بعدك أصبحت نسّاي
آسف من انت ؟ أذكرك لحظات وانساك
ما كان نسيانك مثل شربة الماي
لكن .. هزمت أشواقي وحزن فرقاك

ما عاد تخطف دمعتي بحّة الناي
وما عاد أشوفك بين ذولا وذولاك
وما عدت ذاك اللي أجي لك من أقصاي
مثلك مثل هذا ومثلك مثل ذاك

إحلوّت أيامي والأحلى بعد جاي
ملامحك ضاعت على سكة خطاي
خلفي تركتك .. كيف قدّامي ألقاك

واليوم شفني رحت ما قلت لك " باي "
قلبي تعدّا الحزن فيه وتعداك
ولو قلت يا " نسّاي " أنا إيه " نسّاي "
صدفة ذكرتك ..بس ذكّرني أنساك

معلومات الاغنية
كلمات الامير : عبدالله بن سعد بن عبدالعزيز
والحان الدكتور : يعقوب الخبيزي
توزيع موسيقي : زيد نديم
مكساج وماستر : جاسم محمد
ايقاعات : هاني الدوسري