كلمات أغنية الاهات

اه من لقاك فى اول يوم ونظرتك ليا بعينك
خاصم عيونى ليلتها النوم
وبت اسأل روحى عليك
يا هالترى راح يعطف على فؤاد متلهف
تقول لى روحى اه اه
اقول لقلبى ياقلبى حبه يعادل حبى
يقولى لقلبى آه آه
وارجع واسأل عقلى هو الزمان حايروق لى
يقولى عقلى آه آه
العقل ياربى ضايع ومتبرد
والقلب فى جنبى يسكت ويتنهد
اه من لقاك فى اول يوم ومن رجايا ومن حبى اه
واه لما بلغت امالى وفرحت بك والجو صفالى
ومليت كاساتك وسقيتهالى
آه من حلاوتها آه من قساوتها
اشرب بأيدى كاس يروينى يروينى
واشرب بأيدك كاس يكوينى يكوينى
بات السرور كله بينى وبينك متقسم
والزهر ويانا ينظر لنا ويبتسم
والطير يغنى لى والموج يقول وياه اه
يادى النعيم اللى وجدناه واللى دخلناهاه
واه لما منعت ودادك والانس ده اتبدل ببعادك
غالطت حسادى وحسادك
اصبرواتظاهر بالفرح والبهجه
والصبر فى الظاهر والمر فى المهجه آه آه
تعالى شوف الطير اهو نام
من قبل وقت الليل بظلام
واتبدل الزهر البسام لا عطر ينعش ولا انغام
ده الانس كان انت والانسجام انت
والزهر كان انت والابتسام انت
ما احسبش ده كله فى يوم يضيع منى
واجرى ورا ظله اللى ابتعد عنى
ما تقول لى فين انت
اه يالى اسست وهديت
اه ياللى عمرت واخليت
اه ياللى اضحكت وابكيت اه من رضاك وصدودك اه