كلمات أغنية وتقابل حبيب
- كلمات
- منه القيعي
- ألحان
- عزيز الشافعي
بتتعلق بناس وبتودع في ناس
وكل مرة تقول خلاص لقيت النصيب
بتقابل حبيب وتفارق حبيب
تتساب تسيب وبردو تقول نصيب
وآه يا قلبي مبقتش عارفة
أنت الضعيف ولا العنيد
تحلف ماتعدش أوجاعك
تحلف ما تحبش من جديد
يا متشعلق يا متشعبط
بقشاية دفا وإحساس
ومن غيره وبيه محتاس
وتقابل حبيب وتفارق حبيب
أعرف منين لو الدنيا فاضل فيها
قلوب لسة بتعرف تحب
لو العالم مكان أصلا
ينفع نعيش فيه بطيبة قلب
لو المكتوب فراق دايما
ولا فيه حكاية مكملة
آه يا طيبين يا متعشمين
آه يا أكتر ناس مستحملة