كلمات أغنية مفيش أسباب

مفيش أسباب

بعدت وعمري ما عملت لبعادنا حساب

أنا سبتك عشان ما اقبلش إني أتساب

مشيت قبل إنت ما تقولي خلاص مليت

جراح في جراح

جرحت أنا نفسي بإيديا عشان أرتاح

بسببك كل شيء كان حلو بينا اهو راح

نهاية حبيبي عكس ما اتمنيت

أوقات بتموت حاجات

علشان نعرف نعيش

وها كمل ليه الحياة

مع قلب ما حبنيش

كان نفسي أعيش جواك

مش بس أعيش وياك

ما تجبش العيب عليا وما تلومنيش

ما كملناش

عملت حاجات كتير قلبك ما قدرهاش

وكنت بموت عشان أرضيك وما بترضاش

وقطر الفرح عدى قصاد عينيا وفات

وهاكدب ليه

أنا بحبك وها فضل أحبك أعمل إيه

ده قلبي أكيد ما ليش كلمة حبيبي عليه

وعقلي أكيد بيبني قراره عالحسابات