كلمات أغنية مل قلب

راكب اللي فارق شكل وفخامه
ابيض من صنعة امنيوم مقوى

من علامة صح في شبكه علامه
مثل حر بين بيض السحب هوى

فالسهل طلقة شجاع من حزامه
وفالوعر داب مع الرمل يتلوى

مالكه رمز المفاخر والزعامه
بسمي وتوه من الشركة مضوى

ضايق باله وللمنهاج نوى

اربع وعشرين معطينه خطامه
والخوي زيزوم يانعم المخوى

مل قلب فاقد غاية مرامه
ويتعزز من شموخه ويتقوى

جادل كن خطوته خطوة حمامه
لا مشى كنه من الخصر يتزوى

ياشبيه البدر في ليلة تمامه
في وصوفك خالقك كثر وشوى

ياذوات الحسن ياذروة سنامه
في خفوقي بيت حبك مايطوى

شبع من بعدك ومن هجرك تروى

كل ما اقول لغلاك مع السلامه
سوت الذكرى سوات ما تسوى

ما يلين راسي الوقت وعسامه
كيف عاد لترثتك يا ادم وحوى

لي مقام ولي شداد ولي مسامه
ماني بغصن ليا من جف ذوى

كل شي يهون لعيون الكرامه
لو كبدي من جمر هجرك تكوى

زبدة الموضوع قبل ابدي ختامه
شوف كيف الشوق فالمعلوق سوى