كلمات أغنية شوقي الطاغي
- كلمات
- فهيد حجاب الشيباني
- ألحان
- الوليد ال عامر
الليلة همومي على القلب طابور
والضيق زايد والاواادم نيااااامي
فالصدر مغتره وفالراس جمهور
طاروق بين العازمي والزلامي
والنوم كنه يعبر الجفن بفتور
والعين فيها ميسم السهر حامي
تقول في قلبي من الهم ساطور
يضرب عروق القلب والضرب دامي
ليل الفرح عيا يوافق نظامي
اتصنع الضحكة ولاني بمسرور
زادت تفاكيري وزادن آلامي
اغتيلت الفرحة وزاد القهر جور
وانذبحت احلامي بسن الفطامي
لاشيخ عالجني ولا طب دكتور
والناس ماتدري وشنهو علامي
لولا ذكر ربي ليا عتم النور
يمدي مع الايام صرت انهزامي
والغايب اللي راح ماهو بمعذور
مايدري ان الشوق سبب هيامي
في قلبي اللي مايعرف السلامي
روح وانا صاير من الحزن مكسور
الكسرة اللي وقعت في العظامي
ماعاد حزني ياحبيبي بمستور
خايف من الدمعة تنزل مقامي
من شوقي الطاغي بدون ايت شعور
لاوحيت طاريها نسيت الاسامي
الصدر ناعم والخصر حيل مضمور
والرمش حده حد سيفن حسامي
العنق فارع والشعر دوم منثور
والريح ريح المسك ورد وخزامي
ياكيف ابنسى ياعرب غادة الحور
انشهد ان الهجر سبب حطامي
من يوم شفته فاللقاء شبه مجبور
حسيت بوداعه ومسك الختامي
ماجور ياقلبي من الحزن ماجور
ماجاب درب الحب كود المضامي
بتصنع النسيان وبلعب الدور
لو ان هالنسيان شبه انعدامي