كلمات أغنية ذكريات الغرام

تستلهم عيون شـعري من عيونك كلام
وانسج لها من حروفي في عيونك قصيد

واوقض اللي مضى من ذكريات الغرام
واتنفسك شعر واغفى والغلا لك يزيد

واحاول اسلى وقلبي في قيود الهيام
نيشان لسهام هجرك يالقريب البعيد

لو يسرق الحزن فرحة من زوايا الظلام
دام الزمن جاد بك ما ظن كفه زهيد

امبون مغناه يلعب بي على ما تريد

كنه موصى ولا قد مر يوم بسلام
يهز قلب ن ضلوعه خابرنها حديد

القلب ضامي لقى وآمال خلك حيام
يصدرن ضاميات وشوقهن ما يفيد

وانا تحراك ياللي ما سترك اللثام
بسمتك برق تكاشف خلف غيم شديد

ونظرتك تحيي عروق القلب لوه حطام
وتردني للحياة وكن شوفتك عيد

يا يوسفي الجمال وفوضوي النظام
امان قلب الهواوي وانت نادر فريد

يزهر بها قلبي اللي قد له اعوام بيد

يا غايتي في الغرام ومقصدي في الأنام
ماظن قلبي بعدك يقول هل من مزيد

يا اول نزيل بنى له في ضميري خيام
واخر مصدر من حياض الغلا مستفيد

غيبتك تفتق جروح قد لها حول عام
والجرح مثلك مكابر والمكابر عنيد

الدمع هجر من عيوني لذيذ المنام
والهجر فجر من اللهفه عيون القصيد