كلمات أغنية ارثي العايشين

يامقلة العين ببدا كيف وألا منين
وأنتي عيونك تشيل البدر في نونها

جيتك وخلفي ظروف وحزن واجد وأنين
وقفت في وجهها وأبكيت مضنونها

يـ أول الاتجاه وثالث القبلتين
أنتي خلود النعيم اللي يقولونها

يـ آخر محطات حبي وأعظم العاشقين
يـ أجمل قصيده بفكرتها ومضمونها

انتي في وجهي من الدنيا وفضا كونها

في ذمتي مايطولك جور ضيم السنين
أنا الملاذ المجير وصوت هارونها

نفسي طموحاتها أكبر مني بـ مرتين
قدرت أوطي مهابتها عن متونها

ودي أفضفض وأسمعك القصيد الحزين
اللي يشيل الشموخ بـ راحة لحونها

شاعرك لـ مرت أبياته على السامعين
أضحك عيونها وأبكي عيونها

تخيلي ليلي البارح سهرته حنين
واجهت ذكرى السنين اللي تهابونها

حتى وهي نص عيني يستفزونها

كابرتها لين جيت لـ باحة السجدتين
سيلت ساحاتها من غصة مزونها

انا ارثي العايشين أو أرثي الميتين
فراغ الاثنين تكبر حاجتي دونها

ولا رجيت ألتفاتت وصل من غايبين
اللي يروحون كان الله في عونها

أنا الغياب العظيم وفجوة الحاضرين
لو تجتمع أمتينك مايسدونها

أكبر خطايا علاقاتي مع الأسفين
أعطيت ناس لـ ثقه مايستحقونها

شموخ الاحلام يصغر في عيون اليقين
الكايده مع قوي العزم ياهونها

لذة شعور أنتصارك علقم الشامتين
اطير عقولها وتضيع ظنونها