كلمات أغنية ذياب العز
- كلمات
- عبدالله العكبري
- ألحان
- الهاجس الدرعي
على ذياب العز مع مجهوده
سلم عليه وحب كتف ازنوده
اللي وصوفه كلها مفنوده
واخصايله مثله نعم محموده
سيرة مفاخر دايما معيوده
يزود للتكريم هوب ايزوده
هذا الوسام اشهد يليق ابيوده
نوط الفخر مزن ظهر بارعوده
نجم السهيلي بالعديم اصعوده
تكريمه أشهد للوطن واعضوده
شبل الأسد من ضمن جيش اسوده
ضاري على الفزعات لي مشهوده
يبري لعوقه ثم يفك اقيوده
طود على لابة كرام ايدوده
يمناه للخيرات هي مقصوده
يسراه ما تدري وهب معقوده
حاجاتنا ملحوقة ومطروده
نشمي يحوز اجوره المصيوده
مثل السفن وامثلث البرموده
وفوق هذا لا قدح باروده
شجاعته عند العرب مسروده
فـ المعركة عن صملته واصموده
لا صكت الحلقة فزع لاجنوده
يحمي ثرا داره وحصن إحدوده
هذا الوطن باسباعه وبافهوده
ارجال ابوخالد رقوا باسنوده
طير الحرار اللي كفخ باهدوده
شرهاتهم مهيب ابد مخروده
إبهم تشوف العاصمة محسوده