كلمات أغنية طيب الامجاد

مرحبا ترحيبتن تشفي الصدر العليل
عن معلا بن سعد نشلع الصوت جهرا

مرحبا ترحيبتن عد ماسوا جميل
مرحبا عد الجمايل وعد اللي قرا

اسر ياليل القريحة ترى ليلك طويل
الوعد قدم الغطاليس والساري سرا

لي ثمان سنين مع ظلمة الغدرا عميل
مكتفي عن صجة الناس وانوار القرا
اشمخي ياعزة النفس في راس الاصيل
واعتلي في طاعة اللي لنا عز وذرا

يجزع الرجال عن هزلة الراس الذليل
حشمه ل نفسه ومبداه كنه مايرا

يطلع الهرج الملفق من اخراج الهبيل
وينعرض لضعاف الانفس ف بيع ومشترا

اقدر اسمها على الوجه واعطيه الدليل
بس انا ليه ارفع اللاش عن قاع الثرا

ايه انا ازود غليله ولا اشفي له غليل
واخذ الامجاد ب الفعل وعيونه ترا

منجذب من راس عودن عسى عمره طويل
لاقلط للكايده مايجي معه خشرا
ايه ياعز النشاما وشوق ام الجديل
مايجي مقلع طمية مثل طلعة كرا

مرحبا ترحيبتن تشفي الصدر العليل
عن معلا بن سعد نشلع الصوت جهرا

سق لي الفنجال الاول وثنه يانبيل
لازم عتيبة على البال والطاري طرا

احتزم ي ابن معلا وانا متني يشيل
لا دحمنا ف الصعيبات مانرجع ورا

اتعزوى في بني عمر مزبان الدخيل
عزوتي حرب الحرايب على الطيب سفرا

حرب وعتيبة شبابه على الجمع المهيل
خصمهم يبطي وجرحه ب صدره مابرا

ماكسبنا طيب الامجاد من باب السبيل
ندمي السيف المحنى على شان عشرا

كل مازدنا البيارق نشوف انه قليل
لين سطرنا التواريخ ف دمي اومرا

مابدعنا جزل الاشعار لعيون الخليل
نبدعه للطيب اللي على الفزعه ضرا

للرفيق الطيب نقوم ونعز ونشيل
مانقدم وجه الاصحاب لدروب العرا

الخوي وشلون نرضى على طاريه ميل
مانعرض طيب الراس ل علوم الزرا

ل اجل عينه نشرب السم كنه سلسبيل
نحشم الخوه وفي منهج الطيب خبرا

احتزم لو من ورا الشام ل حدود الجبيل
وقفة اخوان ومحازم ومنصى وشعرا