كلمات أغنية مقدر على بعدك ولااقدر انساك
عطيتك احساسي وضحيت لرضاك
وحفضت حبك داخل الروح صنته
تعبتني واقول يالغالي افداك
لاجل الغرام اللي بقلبي دفنته
اخفيت نفسي لجل اكلمك والقاك
باسماء معاره لجل قلبن سجنته
ركز بما سويت راجع سواياك
اخفيت اسمي لجل اكلمك انته
ذوقتني مرك وهيئت فرقاك
والقلب صابر كل ماجيت هنته
ماقدر على بعدك ولا اقدر انساك
وارخصت عمري للوصال ورهنته
طاريك في صدري ليا مر ذكراك
كن الوجع بالجوف بيدك وزنته
ماخفت ربي وانت تدري بي اهواك
كبرت راسك يوم حبك ضمنته
رغم الجروح اجيك ودي بلاماك
واخلصت لك والحب مايوم خنته
تدري احبك حيل وابيك و ابغاك
وانت الوحيد اللي بقلبي سكنته
اهديتني جرحك ومقسى هداياك
لا وحسافه قلبي اللي فتنته
تذكر ان الله لابد يبلاك
وتشعر بقيمة شخص بيدك طعنته