كلمات أغنية الفول واللحمه
عن موضوع الفول واللحمه صرح مصدر بيه قال مسئول
ان الطب اتقدم جدن والدكتور محسن بيقول
عن موضوع الفول واللحمه صرح مصدر غير مسئول
ان الطب اتقدم جدن والدكتور محسن بيقول
ان الشعب المصرى خصوصن من مصلحته يقرقش فول
حيث الفول المصرى عمومن يجعل م البنى ادم غول
والبروتين الكامن طيه نادر زيه في ايها فول
تاكل فخده بربع زكيبه والدكتور محسن مسئول
تديك طاقه و قوه غريبه تسمن جدن تبقا مهول
لحمه نباتى ولا في الحاتى تاكل قدره تعيش مسطول
ثم اضاف الدكتور محسن ان اللحمه دى سم اكيد
بتزود اوجاع المعده وتعود علا طوله الايد
وتنيم بنى ادم اكتر وتفرقع منه المواعيد
واللى بياكلو اللحمه عمومن هيخشو جهنم دا اكيد
يا دكتور محسن يا مزقلط يا مصدر يا غير مسئول
حيث ان انتو عقول العالم و العالم محتاج لعقول
ما راى جنابك وجنابهم فيه واحد مجنون بيقول
احنا سيبونا نموت باللحمه وانتو تعيشو وتاكلو الفول
ما رايك يا كابتن محسن مش بالذمه كلام معقول