كلمات أغنية يازين
يا زين
يا زين قلي وش جرالك
وش لي حصل يا صافي الخد
شهرين ما جاني اتصالك
وكل ما اتصل مغلق ولا يرد
يا زين قلي وش جرالك
وش لي حصل يا صافي الخد
مبطي ولا جاني اتصالك
وكل ما اتصل مغلق ولا يرد
ما احيدني كدرت بالك
ولا احيدني ساويت بك حد
قدرك على راسي لحالك
تاج على راسي وسيّد
طعتك وماشيتك رضا لك
وتميت بين الجزر والمد
قضيت عمري في دلالك
أرخي حبالي وانته تشد
وإن كان تعذيبي صفا لك
مسموح يا المحبوب المود
مالي حلال إلا حلالك
سوي اللي يرضيك ويسد
وإن كان فرقايه طرالك
وانويت بالهجران والصد
خذني بروفك واعتدالك
إن كان من فرقاك لابد
بصبر ولو ما اقبل بدالك
وبقول يا قلب العنا رد
وبكمد جروحي بخيالك
وذكرك معي يبقى مخلد
بصبر ولو ما اقبل بدالك
وبقول يا قلب العنا رد
وبكمد جروحي بخيالك
وذكرك مع (السامي) مخلد