كلمات أغنية يازهرة الكون

زهرة الكون
يا زهرة الكون غيرك في الملا من لي
انته هوايه وعيني اللي أشوف بها

انته مقاتي وشربي وشمسي وظلي
ومن دونك الروح يا مكثر مشاكلها

إن غبت من عيني لحظة تمت تهلي
دمعة حزينة على الخدين ما اثقلها

ومن دونك الكون كله عندي مملي
أشوفه أضوق من الإبرة ومدخلها
أكتم بما بي عن الشمّات يفطن لي
وأصبّر الروح من شانك وأحمّلها

وانته اتمادى بهجري ليش يا خلي
وإن يتك شكواي تتجاهل وتهملها

إن ييتني يا خفيف الدم تعمل لي
بهجة عمر يالغلا ماحد يعملها

إلا انته يا صاحبي وإن كنت صافي لي
يا بهجة الروح دنيايه تعدلّها

أرجوك راجع حسابك فيّه وانظر لي
بالطيب والزين والمعروف كمّلها

سلمت أمري وروحي لك وعدّل لي
غيّر حياتي ودوكرها وجمّلها