كلمات أغنية ومشيت يما يما مشيت
- كلمات
- الحسن عادل
- ألحان
- الحسن عادل
ولا حد حاسس بيا
ولا حد فاهمني
دايما شايفني عكس كلامهم
ده الي تاعبني
امي دايما بتقولي يابني انت احسن منهم
نجمك عالي في السما
وانت مميز عنهم
ومشيت يما يما مشيت
ومشيت يما في طريقي مشيت
ومشيت يما في طريقي مشيت
انا عيشت حياتي سنين حاطط
النار كده جنب البنزين
والضعف في قلبي مايتقواش
لو هاخد مليون فيتامين
والحمل في وجعي مايتخفش
لو عيشت في شركه بروفين
انا خدت قرار مش هرجع فيه
هعتزل انا كل البني آدمين
ولاحد حاسس بيا
ولا حد فاهمني
دايما شايفني عكس كلامهم
ده الي تاعبني
امي دايما بتقولي يابني انت احسن منهم
وانت مميز عنهم
ومشيت يما يما مشيت
ومشيت يما في طريقي مشيت
ومشيت يما يما مشيت
ومشيت يما في طريقي مشيت
اللي احتاجته في مره معايا
كان اخره يدوب يعمل seen
وصحابي اللي فديتهم ياما
طلعوا خساره صحاب م الصين
وصبرت انا اكتر من ايوب
وفضلت انا عاقل ورزين
وسابوني في قلب البحر وحيد
واستنيت ساعه الصفر سنين
اوعى تخافي يما مهما يحصل
بكره تشوفى ابنك بقى ايه
غربتي عنك ده هم ف قلبي
كل ساعه ف بعدك تسوى ايه
انا لازم اغير اوضاعي
واتحول وابطل طيبتي
ضحكت الناس من غير داعي
و الاخر يضحكوا علي خيبتي
مش هحبس نفسي في اوجاعي
ولا هفضل اشيل طاجن ستي
ولا هفضل اشيل طاجن ستي