كلمات أغنية ما ذنبي
- كلمات
- الحر
- ألحان
- الحر
الخيال فاتح موضوع
والقلب وحيد موجوع
واش منهم اولا مني
واش ذنبي
ضحاو عليا شموع فميلادي طاحو الدموع
ولى الخوف ممنوع يكون فدربي
آه يا يما آه
شكون ضد ولدك شكون معاه
شكون زرع الشوك فطريقي باش نلقاه
وشكون لقى لوقيد وجيت فبالو عليا رماه
وحيت ربي كبير جا غا الريح طفاه
ياحسرة وخسارة
ولي خدلونا نساو بلي دوارة
آرا يا زمان آرا
كولشي عرف الايام حگارة
والجرح مايتسمى جرح ادا ماخلا الامارة
متقولوا ليما راه مجروح وجناحي مكسور
يازهري ديني معاك نروح فطيارة ولى بابور
قولوا للحبيبة راه لي غارو باعونا فابور
وقصتي بين الناس الدور من طنجة للناظور
متقولوا ليما راه مجروح وجناحي مكسور
يازهري ديني معاك نروح فطيارة ولى بابور
قولوا للحبيبة راه لي غارو باعونا فابور
وقصتي بين الناس الدور من طنجة للناظور
سهران الليل و المشاهب تغني رسامي
ماتاقوا بكلامي ماوفالي غرامي
وشكون حرض الريح باش مايرفرفش علامي
وشنو لي خلى المراية تهضر وهي قدامي
اولا تنسيني
اولا تخليني ضايع بين البارح واليوم
وكل مرة مشاكل ومصايد وحفاري فطريقي
وعديان جداد يتمناو ينشف ريقي
وعلاش بغا الحوت يطير وهو غير كيعوم
ويوم يشبه يوم وعلاش بنادم فيا يلوم
والسما لي عامرة غيوم صبت ويدان وفيها نعوم
وياك يحق المظلوم واخا يستروه يبان في يوم
متقولوا ليما راه مجروح وجناحي مكسور
يازهري ديني معاك نروح فطيارة ولى بابور
قولوا للحبيبة راه لي غارو باعونا فابور
وقصتي بين الناس الدور من طنجة للناظور
متقولوا ليما راه مجروح وجناحي مكسور
يازهري ديني معاك نروح فطيارة ولى بابور
قولوا للحبيبة راه لي غارو باعونا فابور
وقصتي بين الناس الدور من طنجة للناظور
والله ما ذنبي والا ذنب لي دارو قلبي
هوما لي حاربوني وسماوها حربي